Disa gra, njohin shenjat e një marrëdhënieje abuzive dhe potencialisht të rrezikshme edhe për integritetin tonë fizik, por këto nuk janë gjithmonë të dukshme.
Madje, edhe nëse i kuptojmë, në disa raste, siç na tregon historia, ndarja nuk mjafton për të na mbrojtur. Pra, si të njohim në kohë format më delikate të abuzimit dhe të largohemi nga kjo marrëdhënie toksike në mënyrë të sigurt?
Për këtë na këshillon Eugenia Douvara, psikolog dhe psikoterapist.
“ Ka disa shenja “paralajmëruese” , të cilat lidhen ngushtë me shfaqjen e sjelljeve të dhunshme dhe agresive nga një mashkull ndaj partneres së tij. Disa nga këto shenja janë si më poshtë: 1) presioni për t’i bërë gjërat shpejt, 2) xhelozia dhe kontrolli i tepruar, 3) mosmarrja e përgjegjësisë personale për sjelljen e tij dhe fajësimi i partnerit, 4) ndryshime të paparashikueshme dhe të papritura në humorin e tij , 5) përjetimi traumatik përvoja në fëmijëri (p.sh. abuzimi nga një prind) ose një histori abuzimi/ sjellje agresive ndaj ish-partnerit/bashkëshortit, ndaj fëmijëve/kafshëve, si dhe 6) bindje të ngurta për epërsinë e burrave ndaj grave dhe qëndrime fikse për rolet gjinore”, tregon ai.
Meqenëse, historia ka treguar se ndarja nuk mjafton gjithmonë, si mund të mbrohemi nga një person potencialisht i rrezikshëm?
“ Ikja ” nga një marrëdhënie e dhunshme është një detyrë e vështirë dhe jo gjithmonë sinjalizon fundin e rrezikut për jetën e gruas së dhunuar. Për këtë arsye është e nevojshme që ajo të marrë masa mbrojtëse për veten dhe për fëmijën/fëmijët e saj, nëse është nënë.
Së pari, ajo duhet të aktivizojë një rrjet njerëzish që ka besim (miq, të afërm, fqinjë, të njohur), për ta mbështetur në çdo gjë që i nevojitet, për të thirrur policinë në rast nevoje, për të mbajtur konfidenciale të dhënat e saj personale (p.sh. adresën e re, numrat e telefonit) dhe, në rast se nuk mund të ndryshojë vendin e punës, ta shoqërojë në punë. Përveç kësaj, është mirë që të ndjekë një rutinë tjetër dhe të shmangë vendet ku ka frekuentuar më parë. Në rast se ka nevojë të kontaktojë me ish-partnerin, duket ta takojë në një vend publik të shoqëruar nga një person i besuar. Po ashtu, një shqetësim i rëndësishëm është edhe përfaqësimi i saj i mirë nga një avokat”, thekson psikologu.