Nëna e Achraf Hakimit thyen heshtjen: ‘E hoqi qafe’

Saida, nëna e Achraf Hakimit ka bërë disa deklarata të diskutueshme për mediat marokene në të cilat nuk duket të kishte përshtypje të mirë për ish-bashkëshorten e futbollistit, Hiba Abouk.

Nëna e lojtarit të PSG-së ishte pronare, me dëshirën e lojtarit e të gjithë pasurisë së tij, diçka që ajo vetë siç rrëfeu, nuk e dinte. Mirëpo, Saida e ka justifikuar plotësisht vendimin e Hakimit dhe i ka hedhur thumba drejt aktores, ish-partneres së të birit, raporton Marca.

“Nëse djali im nuk e bënte atë veprim, nuk do të mund ta hiqte qafe dot këtë grua”, thuhet se ka deklaruar ajo.

Është e qartë se nëna e tij nuk sheh asnjë problem me veprimet e djalit të saj. Ditët e fundit mediat franceze kanë raportuar se aktorja ka marrë gjysmën e pasurisë së futbollistit, me një pagë në Paris Saint Germain rreth dhjetë milionë euro në vit. Kjo nuk është konfirmuar apo mohuar nga Abouk për momentin. Sido që të jetë, aktorja i është përgjigjur atyre që pretendojnë se do vetëm pasurinë e lojtarit.

Përmes rrjeteve sociale reagimi i aktorit ka qenë shumë i qartë. “Gjëja vërtet e rëndësishme”, ka shkruar ajo në Instagram, krahas një fotografie të fëmijëve të saj, Naimit dhe Amin. Shumë e kanë interpretuar këtë si një reagim të dukshëm ndaj kritikave që ajo ka marrë që kur u njoftua zyrtarisht se divorci i saj ishte në rrugë e sipër.

Në anën tjetër, mbrojtësi i djathtë i PSG-së është nën hetim për përdhunimin e dyshuar të një gruaje 24-vjeçare më 25 shkurt në shtëpinë e lojtarit në Paris. Avokatja e Hakimit, Fanny Colin, është shprehur se klienti i saj i mohon me forcë këto akuza duke pohuar se e gjithë kjo është një “përpjekje shantazhi” ndaj futbollistit.