Hope Carrasquilla, një drejtoreshë e shkollës së mesme në Leon County, Florida, u detyrua të jepte dorëheqjen pasi prindërit u ankuan se fëmijët e tyre të klasës së gjashtë studionin fotografitë e statujës së Davidit të Mikelanxhelos në klasë.
Një prind mendoi se mësimi i artit në kryeveprën e Rilindjes ishte pornografik, raporton The Washington Post.
Drejtoresha dha dorëheqjen e saj të hënën, më 20 mars, pasi mori një ultimatum nga bordi i shkollës.
“Me keqardhje koha ime si drejtoreshë e Shkollës Klasike Tallahassee ka marrë fund”, shkroi ajo të enjten në një letër drejtuar bordit të shkollës të siguruar nga The Washington Post.
Presidenti i bordit të shkollës dhe lobisti Barney Bishop III konfirmoi për të përditshmen amerikane se i dha Hope Carrasquilla një ultimatum pasi mori ankesa nga tre prindër që e konsiderojnë mësimin e Davidit si ‘të diskutueshëm’ dhe jo të përshtatshëm për moshën e fëmijëve të tyre.
Ai kritikon ish-drejtoren se nuk i kishte paralajmëruar prindërit e nxënësve se fëmijët e tyre do të shihnin statujën e Rilindjes.
“Ajo nuk u rrëzua për shkak të fotove artistike nudo. Ne ua tregojmë atë çdo vit studentëve tanë”, tha ai, megjithatë, duke shtuar se Hope Carrasquilla” dha dorëheqjen vullnetarisht.
