Policia bashkiake e Madridit ndërhyri mbrëmjen e së shtunës për të arrestuar një kampion francez të boksit tajlandez, por “takimi” përfundoi me një përplasje të dhunshme dhe shtrimin në spital të katër pjesëtarëve të policisë.
Sportisti 25-vjeçar francez, emri i të cilit nuk është bërë i ditur nga El Mundo që raporton faktet, po qëndronte në qytetin spanjoll për të parë vëllain e tij student.
Gjatë natës ai u përjashtua nga një klub nate, zbulon faqja e së përditshmes spanjolle duke na treguar më pas se është shtrirë në tokë duke ndërprerë trafikun.
Kalimtarët dhe shoferët fillimisht kanë kontaktuar shërbimet e urgjencës, por ata nuk kanë mundur të lëvizin njeriun që nuk ka dashur të kujdeset për të.
Policia mbërriti pak më vonë, rreth orës gjashtë të mëngjesit, duke vënë në dukje se francezi kishte vendosur të ndryshonte vendin për të fjetur në një kopsht, ngjitur me një nga arteriet shumë të gjalla të qytetit, Paseo de la Castellana.
Më pas patrulla ka tentuar të kontaktojë me shtatlartin 1.90 m, por ai ka reaguar shumë keq kur një polic i preku këmbën.
Më pas ai e ka goditur zyrtarin me shkelma në gjoks duke e rrëzuar në tokë, thuhet në raportin e policisë.
Një tjetër oficer tentoi të ndërhynte përpara se të rrihej.
Në intervenim janë bashkuar edhe dy policë të tjerë, të lënduar në kokë dhe shtyllë kurrizore.
U deshën gjashtë persona nga policia për të nënshtruar të riun.
Katër prej tyre përfunduan në spital, mes tyre një i plagosur rëndë në kurriz.
Gjithashtu i plagosur, luftëtari francez u transferua në stacionin e policisë së qarkut Salamanca.
Ai duhet të ndiqet penalisht për fyerje dhe goditje ndaj punonjësve të rendit.
