Opozita proteston sot para Kryeministrisë, protestë e cila pritet të nisë në orën 12:00. E cilësuar si protesta kombëtare e radhës, qytetarët dhe drejtuesit politikë akuzojnë qeverinë se po i keqqeveris shqiptarët dhe kërkojnë largimin e kryeministrit Edi Rama. Kryedemokrati Sali Berisha e ka cilësuar kryeministrin Rama si armik të egër të pluralizmit, të shtetit ligjor, të qenies shqiptare.
Opozita ka paralajmëruar edhe vijimin e protestave para parlamentit ndërsa nuk ka përjashtuar në vijim as përshkallëzimin në mosbindje civile. Për protestën e sotme nga ora 10:00 do jenë të bllokuara rrugët Ismail Qemali’ dhe ‘Papa Gjon Pali II’, Bulevardi ‘Dëshmorët e Kombit’, sheshi ‘Nënë Tereza’ si dhe do bllokohen pjesërisht bulevardi ‘Zhan D’Ark’ dhe bulevardi ‘Bajram Curri’.