Një zyrtar i lartë ushtarak iranian tha të premten në mbrëmje se vendi i tij ishte ende duke kërkuar hakmarrje për eliminimin e gjeneralit Qassem Soleimani nga Uashingtoni në vitin 2020, duke shpresuar se “të jetë në gjendje të vriste” ish-presidentin e SHBA, Donald Trump.
“Ne shpresojmë se mund të vrasim Trump, (ish-sekretarin amerikan të shtetit, Mike) Pompeo dhe (Kenneth) McKenzie (ish-kreu i Komandës Qendrore të Ushtrisë Amerikane në Lindjen e Mesme) dhe zyrtarët ushtarakë që kanë dhënë urdhrin për të vrarë Soleimani”, tha Gjenerali Amirali Hajizadeh në televizion.
“Tani jemi në gjendje të godasim me raketa anijet amerikane në një distancë prej 2000 km”, tha gjenerali që drejton Forcën Ajrore të Gardës Revolucionare, ushtrinë ideologjike të Iranit.
Programet balistike të Republikës Islamike shqetësojnë perëndimorët të cilët akuzojnë vendin se dëshiron të rrisë rrezen e raketave të tij dhe të destabilizojë Lindjen e Mesme dhe Izraelin, armikun e betuar të Teheranit.
Të shtunën, televizioni shtetëror transmetoi imazhe të gjuajtjes së një “raketë të re të lundrimit Paveh me një rreze veprimi prej 1,650 km”, të prodhuar nga Garda Revolucionare.
Ish-kreu i Forcave Quds, i ngarkuar me operacionet e jashtme të Gardës Revolucionare, Qassem Soleimani u vra në Bagdad në një sulm amerikan në janar 2020.
Presidenti Trump tha në atë kohë se ai urdhëroi sulmin në përgjigje të një numri sulmesh ndaj interesave të SHBA në Irak.