Autobusët pa shofer kanë filluar të transportojnë pasagjerë në një linjë të transportit publik në Hefei, kryeqyteti i provincës Anhui të Kinës lindore, raporton Beta.
Periudha e provës ka nisur këto ditë, njoftoi kompania CICT (Connected and Intelligent Technologies), e cila është përgjegjëse për atë shërbim.
Siç raporton agjencia shtetërore Xinhua, në një nga linjat e qytetit në kontenë Baohe, me një gjatësi totale prej 15 kilometrash, ka dy autobusë të automatizuar pa shofer që marrin pasagjerët përgjatë itinerarit.
Udhëtimi është falas gjatë periudhës së provës dhe mund të rezervohet përmes aplikacionit celular.
Testimi rrugor i autobusëve pa shofer filloi në gusht 2022.
Me një shpejtësi që mbahet rreth 30 kilometra në orë, autobusët kanë një kapacitet për më shumë se dhjetë persona.
Dy ekrane të mëdha në automjet shfaqin imazhe holografike të kushteve të rrugës në kohë reale.
Hefei ka zbatuar një sërë projektesh pilot inteligjente të transportit dhe logjistikës inteligjente, duke përfshirë një park inovativ të teknologjisë autonome të drejtimit.
Vitet e fundit, Kina ka nisur një sërë politikash për të promovuar zhvillimin dhe komercializimin e teknologjive të drejtimit pa shofer, raporton Beta.