Luka Doncic ishte i jashtëzakonshëm në parket duke shënuar 53 pikë në fitoren që Mavericks mori ndaj Pistons me rezultatin 111-105.
Kjo ishte ndeshja e katërt në këtë sezon e NBA që ylli slloven realizon +50 pikë dhe e pesta në karrierën e tij. Basketbollisti e ka lënë pas dëmtimin që pësoi në takimin e shkuar, ku ai ndrydhi kaviljen. Gjithashtu Doncic bëri edhe tetë ribaunde dhe pesë asiste.
Në periodën e parë ai realizoi 24 pikë, më shumë se sa çdo basketbollist tjetër në këtë sezon. Për skuadrën nga Detroit më i miri në parket ishte Bojan Bogdanoviç me 29 pikë, por skuadra e tij humbi për herë të gjashtë në shtatë takimet e fundit.
Stefan Kuri realizoi 38 pikë në suksesin që Golden State mori ndaj Oklahoma City me rezultatin 128-120.
Ylli i Warriors realizoi tetë tripikësha, duke barazuar rekordin sezonal. Ndërsa ekipi i tij mori triumfin e tretë radhazi. Në takimet e tjera Mexhik mundi Filadelfian 119-109, Nets-Lakers 121-104 dhe Suns –Raptors 114-106.
