Lidhja Demokratike e Kosovës ka denoncuar një plan për atentat ndaj kryetarit të kësaj partie, Lumir Abdixhiku dhe disa deputetëve të kësaj force politike. Lajmin u bë i ditur fillimisht nga mediat kosovare dhe me pas është konfirmuar edhe nga nënkryetari i LDK-së, Kujtim Shala. Në një intervistë në një televizion ai ka deklaruar se sipas informatave të marra nga një shërbim i huaj shënjestra ka qenë kreu i LDK-së dhe tre deputetëve të saj.
Nënkryetari i LDK-së, Kujtim Shala nuk i ka bërë publike emrat e deputetëve të cilëve u është kanosur jeta po sipas informacioneve të tij atentati po organizohej nga 2 organizata.
Pavarësisht se nënkryetari i LDK-së nuk ka dhënë emrat e deputetëve, mediat kosovare kanë arritur të mësojnë se bëhet fjale për ish-kryeministrin Avdullah Hoti dhe deputetët Arben Gashi e Armend Zemaj.
Policia e Kosovës ka njoftuar se është informuar në lidhje me ngjarjen dhe ka marrë të gjitha masat për hetimin e këtij rasti.
Lidhja Demokratike e Kosovës është subjekti më i vjetër politik në Kosovë, aktualisht në opozitë.