Rrëzimi i helikopterit në Kiev ditën e djeshme ku ndërruan jetë 14 persona mes tyre edhe zyrtarë të lartë, ka shkaktuar reagim të krerëve të shteteve të ndryshme të botës.
Ditën e djeshme, ka reaguar edhe presidenti ukrainas Volodymyr Zelensky i cili nëpërmjet një video-call në Forumin Ekonomik Botëror të Davosit u shpreh se ngjarja ishte një tragjedi të cilën e solli lufta.
Ai nuk ka fajësuar Rusinë për këtë tragjedi dhe u shpreh se po pret të përfundojnë të gjitha hetimet për të parë se cila ka qenë arsyeja kryesore e rrëzimit të helikopterit.
Shërbimi shtetëror i sigurisë ka deklaruar se po heton shkaqet e mundshme, duke përfshirë shkeljen e rregullave të fluturimit, një mosfunksionim teknik dhe shkatërrimin e qëllimshëm të helikopterit.
Nga rrëzimi i helikopterit ndërruan jetë 14 persona humbën jetën mes tyre Ministri i Brendshëm i Ukrainës Denys Monastyrskyi, zëvendësi i tij i parë, Sekretari i Shtetit i Ministrisë së Punëve të Brendshme, Zëvendës Shefja e Shërbimit të Patronazhit të Ministrisë së Punëve të Brendshme, kreu i mbrojtjes së Departamentit të Sigurisë së Brendshme të Policia Kombëtare dhe disa zyrtarë të tjerë të lartë.