Një shpërthim i fuqishëm u dëgjua mbrëmjen e shtunës në lagjen ‘18 tetori’ të Lushnjes. Autori ende i paidentifikuar nga policia hodhi një sasi lënde plasëse në një banesë private ku jetonte Altin Lamçe me dy fëmijët e mitur dhe nënën e tij 77-vjeçare.
Nga kjo ngjarje u thyen xhamat dhe dyert e shtëpisë. Dyshohet se autori ishte në ecje kur hodhi lëndë plasëse në oborr. Shtëpia është në pronësi të Arben Turkut, kunatit të Altin Lamçes i cili është në emigrim në Angli.
Ndërsa ky i fundit punon si tregtar i fruta perimeve dhe nuk rezulton me precedentë penale. Megjithatë kjo është hera e dytë që Lamçes i organizojnë një shpërthim me lëndë plasëse në banesë.
Por edhe ngjarja e 1 nëntorit të këtij viti ende është e pazbardhur. Policia ka sekuestruar edhe kamerave e disa banesave në këtë lagje të cilat mund të ndihmojnë në identifikimin e autorëve.