Një tren mallrash që transportonte amoniak doli nga shinat në Serbinë lindore të dielën, duke plagosur dhjetëra njerëz dhe duke bllokuar një autostradë kryesore ndërkombëtare.
Kështu shkruhet nga Associated Press.
Në qytetin e Pirotit është shpallur gjendja e jashtëzakonshme dhe autoritetet kanë kërkuar nga banorët që të mos dalin nga banesat e tyre. Dhjetra persona u shtruan në spital.
Sipas portalit serb RTS, më shumë se 50 persona janë shtruar në spital me simptoma të helmimit nga amoniaku. Raportohet se ka vdekur edhe një person, por nuk dihet nëse ka lidhje me helmim.
Aksidenti thuhet se shkaktoi një grup prej 20 cisternash të dilte nga shinat, ku të paktën njëra prej tyre ra në shtratin e lumit Nishava, duke shkaktuar një reagim të dhunshëm të amoniakut pas kontaktit me ujin.
Për shkak të dukshmërisë së kufizuar të shkaktuar nga rrjedhja, disa makina u përplasën në autostradën kryesore që çon në Bullgari gjatë nxitimit të ngjeshur të festave të Krishtlindjeve.
Policia mbylli autostradën dhe devijoi qarkullimin në rrugët lokale. Ende nuk dihet arsyeja e daljes së trenit nga shinat.
Gazi i amoniakut që rrjedh mund të jetë i ndezshëm dhe të shkaktojë lëndime serioze apo edhe vdekje.
