Moti i keq që ka më shumë se dy ditë që ka mbërthyer Shtetet e Bashkuara të Amerikës, kanë shkaktuar edhe viktimën e parë si pasojë e temperaturave të ulëta.
Mediat amerikane kanë raportuar ditën e sotme se është gjetur trupi i një skiatori i cili mendohet se ka ndërruar jetë si pasojë e temperaturave shumë të ulëta. Trashësia e dëborës ka arritur deri në 61 cm dhe shpejtësia e erës ka arritur deri në 97 km/h, ashtu siç kishin parashikuar edhe metereologët.
Një stuhi e fuqishme ka shkaktuar tornado në jug të SHBA-së. Stuhia plagosi disa persona në Teksas dhe ka dëmtuar ndërtesa. Rreth 9,000 fluturime në SHBA u anuluan pasi dëbora e bëri të pamundur nisjen e avionëve. Moti i keq gjithashtu ka mbyllur rrugët në disa shtete perëndimore. Shkollat vijojnë të mbyllura deri në një njoftim të dytë.
Autoritetet vijojnë të këshillojnë qytetarët që të qëndrojnë në shtëpi dhe të furnizohen me ushqime në mënyrë që mos të dalin jashtë.