Një tjetër surprizë në këtë Botëror ka ardhur nga Grupi H.
Koreja e Jugut ka përmbysur rezultatin nga 0-1 në 2-1 përballë Portugalisë dhe është kualifikuar në raundin e të 16-ve.
Në takimin tjetër të këtij grupi, Uruguaj ka mundur 2-0 Ganën, por atyre u nevojitej edhe një gol për të kaluar në raundin tjetër.
Një gol i cili nuk erdhi dhe për pasojë, aventura e tyre në këtë Kupë Bote përfundon këtu.
Gana ishte kombëtarja më e avantazhuar për t’u kualifikuar nga ky grup pas Portugalisë, në fillimin e ndeshjeve të kësaj të premte.
Ata renditeshin të dytët me tre pikë dhe me vetëm një barazim kalonin më tej.
