Vrasja e gazetarit Jamal Khashoggi duket se ende do të mbetet pa një të dyshuar dhe më tej, pa një fajtor. Së fundmi Shtetet e Bashkuara të Amerikës kanë deklaruar se lideri de fakto i Arabisë Saudite, Princi i Kurorës Mohammed bin Salman ka imunitet ndaj padisë së ngritur nga e fejuara e gazetarit të vrarë Jamal Khashoggi.
Fakti që Princi i Kurorës, Mohammed bin Salman ka imunitet është nga doktrina e kreut të shtetit sipas të drejtës ndërkombëtare zakonore. Në vendimin i cili është bërë publik nga gjykata, thuhet se, duke qenë se Mohammed bin Salman ka rolin e kryeministrit, rrjedhimisht nga e drejta zakonore ndërkombëtare, është imun.
Pas daljes së këtij vendimi, ka reaguar menjëherë ish- e fejuara e gazetarit Jamal Khashoggi e cila u shpreh:
“Jamal vdiq përsëri sot. Ne menduam se ndoshta do të kishte një dritë për drejtësinë nga SHBA. Por përsëri, paratë erdhën në radhë të parë. Kjo është një botë që Jamal nuk e di” shkruan Hatice Cengiz.
Hatice Cengiz akuzonte liderin saudit dhe zyrtarët e tij se Jamal ishte rrëmbyer, lidhur, droguar, torturuar dhe më pas vrarë.
Ekspertët ligjorë thonë se qëndrimi i qeverisë amerikane, i cili u paraqit në një gjykatë të qarkut të SHBA-së ka të ngjarë të bëjë që gjyqtari John Bates të pushojë një çështje civile të ngritur kundër Princit Mohammed dhe bashkëpunëtorëve të tij të dyshuar.
Vendimi i administratës Biden i cili në fakt shuan shpresën e fundit të bashkëshortes së Jamal për drejtësi, mund të sjellë përballje me kritika të forta nga ligjvënësit demokratë në Capitol Hill. Këta të fundit i kanë bërë presion administratës të mbajë qëndrim më të ashpër kundër Lindjes së Mesme.