Emmanuel Macron shprehu solidaritetin e tij me Poloninë, e cila është aleate e Francës në NATO. Siç theksoi, Macron ka kontaktuar me autoritetet polake për të mësuar rreth rrethanave të shpërthimit të raketës.
“Po zhvillohet një hetim,” u tha presidenti francez gazetarëve në një konferencë për shtyp në Bali.
Macron shtoi se ai kontaktoi presidentin ukrainas për të shprehur solidaritetin e tij pas shpërthimit të raketave. Ai tha se është shumë herët për të thënë se çfarë ka ndodhur.
“Ne do të vazhdojmë të përpiqemi për paqen, për të gjetur një zgjidhje të negociuar dhe kështu të bisedojmë me Rusinë”, theksoi Presidenti i Francës.
Përveç kësaj, ai tha se liderët e G20 kanë rënë dakord që të nxisin Rusinë për të de-përshkallëzuar luftën në Ukrainë dhe shprehu shpresën se Kina do të luajë një rol ndërmjetësues gjatë muajve të ardhshëm në këtë drejtim.
