Sot bëhen 24 vite kur forcat e NATO-s ndërhynë në Kosovë për t’i dhënë fund masakrës së Serbisë mbi Kosovën. Kryeministri Edi Rama ka dhënë një mesazh në 24-vjetorin e çlirimit të Kosovës. Në një postimi në Twitter, kreu i qeverisë vlerëson ndihmën e NATO, duke thënë se pa bashkëpunimin me aleatët nuk do të kishte Kosovë sot. Rama shprehet se është koha për reflektim, teksa jep një mesazh dhe për politikën në Kosovë, duke thënë se Kosova duhet të dalë nga jashtë debateve ku është futur për shkak të grindjeje me aleatët. Sipas tij, Kosova ka nevojë që këto debate ti zgjidh me dialog dhe jo me polici, duke bashkëpunuar me miqtë dhe jo ti keqtrajtojë ata.
Si sot e gati çerek shekulli më parë, hyrja e NATO-s në Kosovë u rikujton të gjithëve, se pa aleatët strategjikë të shqiptarëve, miq të mirë në ditët më të këqija, s’do të kishte as Republikë të Kosovës, as liri e demokraci për shqiptarët në Kosovë! Zoti i bekoftë aleatët tanë! pic.twitter.com/bUWygIJrpK
— Edi Rama (@ediramaal) June 12, 2023
Urim për ditën e çlirimit të Kosovës ka dhënë edhe presidenti i Shqipërisë, Bajram Begaj i cili ka shprehur mirënjohjen e tij për Ushtrinë Çlirimtare të Kosovës dhe partnerët strategjikë, SHBA dhe NATO.