Një 21-vjeçar i cili lëvizte i armatosur është vënë në pranga në Pogradec. Uniformat blu kanë arrestuar Enis Shaho banues në këtë qytet. Ai u lokalizua në vendin e quajtur ‘Ura e Tushemishtit’. Teksa policia po e ndiqte, i riu hodhi nga automjeti armën pistoletë që mbante në brez.
Blutë i sekuestruan 21-vjeçarit armën e zjarrit me 6 fishekë në karikator dhe një shkop hekuri që e mbante me vete. Shaho është person me precedent penal pasi është dënuar më parë për armëmbajtje pa leje dhe kanosje.
