Federata Ndërkombëtare e Triathlonit (World Triathlon) ka miratuar kthimin e atletëve rusë dhe bjellorusë në gara pasi u ndaluan të konkurrojnë pas pushtimit rus të Ukrainës.
“Komiteti Ekzekutiv i Triatlonit Botëror ka dhënë mbështetjen e tij në parim për rekomandimin e Komitetit Olimpik Ndërkombëtar (IOC) që atletët rusë dhe bjellorusë të kthehen në gara”, njoftoi federata e triatlonit.
Sanksionet u futën në fillim të marsit 2022 në përputhje me rekomandimin e IOC dhe parimet e Kartës Olimpike për të garantuar sigurinë e të gjithë sportistëve pjesëmarrës në Triathlon Botëror, transmeton Hina.
“World Triathlon mbështet zhvillimin e një rruge për sportistët e pavarur neutralë individualë dhe zyrtarë me pasaporta ruse dhe bjelloruse për të marrë pjesë në sportet tona. Komiteti Ekzekutiv rikonfirmon solidaritetin e tij me Ukrainën në dritën e luftës së vazhdueshme me Rusinë, por pavarësinë e çdo atleti apo zyrtare është një kusht absolut për kthimin e tyre në triathlon botëror”, thuhet në të.
