Pas suksesit në Big Brother Vip Albania, Luiz Ejlli vijon të mbetet një emër që po lakohet më së shumti jo vetëm nga mediat dhe fansat, por edhe nëpër koncerte. Së fundmi, këngëtari shkodran ka dhënë një koncert në Londër, ku fansat e tij e kanë pritur me dashuri dhe brohoritma.
Në një video të shpërndarë në rrjete sociale, ish-banori i BBV është mbuluar me paund nga një fans në hyrje të klubit. Sikurse në çdo koncert që Luizi ka mbajtur deri tani, fansat i kanë dhuruar një pritje të ngrohtë duke u bërë një nga këngëtarët më të kërkuar në klube.
