Ngacmimi i intervistës së Cristiano Ronaldos me gazetarin anglez Piers Morgan mbushi të gjithë hapësirën mediatike të futbollit. Aty portugezi tha aq shumë sa pas Botërorit 2022, me shumë gjasa do t’i pritej rruga drejt Manchester United.
Fjalët e Ronaldos tashmë janë diskutuar nga të gjithë, por ka një pyetje tjetër urgjente: kush është Piers Morgan dhe pse mori një intervistë kaq bombastike? Le të përpiqemi ta kuptojmë.
Morgan është një spiker i CNN. Më parë ka punuar si kryeredaktor për disa tabloidë të njohur britanikë, si The Sun, The News of the World dhe Daily Mirror. Për disa kohë ai drejtoi një rubrikë futbolli në Daily Mail.
Morgan ishte redaktori i Daily Mirror gjatë periudhës kur gazeta u përfshi në një skandal hakerimi telefonik, kur gazeta britanike dyshohet se përgjonte personazhet e famshëm të vendit. Në vitin 2011, Morgan mohoi se ai kishte hakuar telefonin e dikujt, por shumë i konsideruan fjalët e tij si një gënjeshtër.
Në Mars 2021, gazetari kritikoi intervistën e Princit Harry dhe Meghan Markle me prezantuesen televizive amerikane Oprah Winfrey, për të cilën u hoq nga studioja e programit Good Morning Britain.
Pierce është i njohur edhe për simpatinë e tij ndaj ish-presidentit amerikan Donald Trump, Morgan gjithashtu është kritikuar vazhdimisht për këtë.
