Një peshkatar britanik kapi një karavidhe të rrallë blu në gjirin e Belfastit.
Stuart Brown, 28 vjeç, nga Bangor, kapi krustacen pranë Lighthouse Blackhead në Irlandën e Veriut.
Burri, i cili ka peshkuar që në moshën 11-vjeçare, e quan këtë karavidhe “kapjen e jetës së tij”, raporton Belfast Telegraph dhe BBC.
Disa biologë detarë besojnë se kapja e një karavidhe blu është një mundësi në 2 milionë.
Karavidhet zakonisht kanë më shumë ngjyrë kafe ose të kuqe.
Kështu kur një peshkatar britanik nxori një rrjetë kurthi nga uji, kjo bukuroshe blu ishte një “surprizë” për të dhe partneren e tij.
Stuart Brown fotografoi karavidhen dhe e lëshoi përsëri në ujë.
“Ai është diku në liqen për momentin, duke notuar dhe duket sa më i lumtur. Shpresoj që nëse dikush tjetër e kap, do ta kthejnë edhe atë”, tha peshkatari.
National Geographic shkruan se karavidhet blu nuk janë një specie më vete, por vetëm një variacion midis karavidheve të zakonshëm amerikanë ose evropianë.
Arsyeja për këtë ngjyrë mund të jetë një mutacion gjenetik që çon në një tepricë të një proteine të caktuar që ndikon në pigmentim.
Si rezultat i mutacioneve, karavidhet mund të fitojnë ngjyra të ndezura blu ose të verdha, të njollosen ose edhe me dy ngjyra.
Gjithashtu, ngjyra e karavidheve ndikohet nga dieta e tyre.
