Një 31-vjeçar, i akuzuar për trafikim lëndësh narkotike, është vënë në pranga në Pikën Kufitare të Hanit të Hotit.
Interpol Tirana dhe Interpol Roma, në kuadër të megaoperacionit “Sundimi i ligjit”,bënë të mundur ndalimin në dalje të Shqipërisë, shtetasi A. H., 31 vjeç, banues në Kavajë.
Sakaq, vijojnë procedurat për ekstradimin e 31-vjeçarit, në Itali.
PKK Hani i Hotit
Policia Kufitare e Hanit të Hotit ndaloi një shtetas të shpallur në kërkim ndërkombëtar nga Italia, i cili akuzohet si pjesëtar i një organizate kriminale për trafikimin e lëndëve narkotike.
Si rezultat i shkëmbimit të informacionit ndërmjet Interpol Tiranës dhe homologëve në Itali, të kryera në kuadër të megaoperacionit “Sundimi i ligjit”, për ndalimin e shtetasve të shpallur në kërkim kombëtar ose ndërkombëtar, u ndalua në dalje të Shqipërisë, shtetasi A. H., 31 vjeç, banues në Kavajë.
