Mbretëria e Bashkuar do të shqyrtojë mundësinë e dërgimit të avionëve luftarakë në Ukrainë, tha të mërkurën zyra e kryeministrit Rishi Sunak në Downing Street, duke shtuar se kjo do të ishte vetëm një zgjidhje “afatgjatë”.
“Kryeministri ka ngarkuar sekretarin e mbrojtjes të hetojë se çfarë avionësh mund të jemi në gjendje të japim, por, për të qenë të qartë, kjo është një zgjidhje afatgjatë dhe jo një aftësi afatshkurtër, gjë që është ajo që Ukraina ka nevojë më shumë tani”, tha zëdhënësi i Sunak-ut.
Njoftimi erdhi menjëherë pasi Presidenti i Ukrainës Volodymyr Zelensky u takua me Sunak dhe u kërkoi politikanëve të Mbretërisë së Bashkuar të dërgonin avionë në vendin e tij të goditur nga lufta gjatë një vizite në Londër.
Zyra e Sunak paralajmëroi se trajnimi i pilotëve ukrainas për të përdorur avionët më të fundit britanikë do të ishte një proces i gjatë.
“Ne jemi të prirur të bëjmë gjithçka që është e mundur për t’i trajnuar këta pilotë sa më shpejt të jetë e mundur,” tha zëdhënësi.
“Por këto janë pjesë komplekse të pajisjeve ushtarake dhe… periudha aktuale e trajnimit për pilotët në Mbretërinë e Bashkuar është rreth pesë vjet,” shtoi ai.
