Mungon vetëm zyrtarizimi, por Kylian Mbappe duket se është i destinuar për të firmosur me Real Madrid. Sulmuesi francez besohet se ka arritur akordin për tu bashkuar me klubin spanjoll, me mediat që kanë zbuluar detaje të shumta rreth këtij operacioni. E fundit nga kryeqyteti spanjoll është se roli i Mbappe sezonin e ardhshëm tashmë është vendosur.
Te Paris Saint-Germain, 25-vjeçari e ka bërë të qartë se ai preferon të luajë në krahun e majtë të sulmit, duke i dhënë më shumë hapësirë dhe një shans për të tentuar portën.
Ky është roli më i frekuentuar nga Vinicius Junior dhe haptazi pozicioni që preferon edhe Rodrygo. Por tashmë Mbappe e ka pranuar idenë për të luajtur në mes si numri nëntë sezonin e ardhshëm. Arsyeja lidhet pjesërisht me dëshirën e tij për të fituar Topin e Artë.
Edhe këtë sezon, nënkampioni i Botës ka shënuar 41 herë në 43 ndeshje duke dhuruar një performancë të mirë në fushën e lojës. Pothuajse një gol për çdo ndeshje për të përmirësuar edhe shifrat në aspektin personal.
Që prej vitit 2017 kur gjendet në Paris, ai ka arritur vetëm të shënojë më shumë nga sezoni në sezon, për të marrë një bonus të madh në rrugën drejt Madridit dhe për të formuar një sulm shkatërrues me emra si Bellingham, Rodrygo, Vinicius, apo edhe i talentuari, Endrick.
