Presidenti francez Emmanuel Macron mbështetet vetëm nga 26 për qind e qytetarëve, që është vlerësimi i tij më i ulët që nga viti 2017, kur ai u zgjodh për herë të parë kryetar i shtetit, sipas rezultateve të një sondazhi të BVA të kryer për TV RTL të publikuar të shtunën.
Në një vend ku reforma e paralajmëruar e sistemit të pensioneve hasi në rezistencë dhe protesta të mëdha publike, 32 për qind e të anketuarve kanë një opinion “kryesisht të keq” për presidentin dhe 41 për qind kanë një “mendim shumë të keq”, ndërsa 27 për qind e Francezët kanë një mendim të mirë për kryeministren Elisabeth Borne.
Vetëm 26 për qind e qytetarëve kanë një opinion të mirë për Macron-in, që është e njëjta përqindje si gjatë krizës për shkak të protestave të “jelekverdhëve” në tetor 2018.
Megjithatë, elektorati i Macron është ende besnik ndaj tij: 70 përqind e votuesve të tij kanë një imazh të mirë për të, sipas RTL.
Sipas sondazhit, 63 për qind e francezëve duan që veprimet publike të vazhdojnë për reformën e pensioneve, e cila parashikon një rritje të moshës së pensionit nga 62 në 64 vjeç.
Në prill 2022, kur ai u rizgjodh si kreu i shtetit, 46 për qind e francezëve kishin një “mendim të mirë” për Macron.
Një vit më vonë, 60 për qind e qytetarëve besojnë se ai ka “bindje të thella”, dhe 43 për qind se është i aftë të marrë vendime.
Por, vetëm 13 për qind e konsiderojnë atë një politikan që është në gjendje të arrijë unitet për një çështje, ndërsa në prill të vitit të kaluar, 28 për qind e të anketuarve e kanë menduar këtë.
