Boksierja nga Kosova, Donjeta Sadiku ka fituar medalje të artë në Kampionatin Ballkanik të boksit “Albena 2023”.
Në finalen e cila u mbajt në Bullgari, Sadiku mposhti boksieren nga Ukraina, Dovgal Tetiana.
Në raundin e dytë, Donjeta mposhti ukrainasen Tetiana dhe u shpall fituese duke u vlerësuar me medalje të artë dhe titull Kampione Ballkanike 2023.
Kosova në Kampionatin Ballkanik të boksit “Albena 2023” fitoi pesë medalje, një të artë nga Donjeta Sadiku, dhe katër të bronzta nga Bashkim Bajoku, Shpëtim Bajoku, Patriot Behrami dhe Taulant Jakupi.
