Gazeta sllovake prezanton një listë me mijëra artikuj, përfshirë kushineta, motorë, elektronikë, pajisje për prodhimin e komponentëve të gomave.
Ato mund të përdoren në prodhimin e tankeve, mjeteve të blinduara, sistemeve të raketave ose sistemeve ndërkontinentale të raketave balistike. Disa nga këto artikuj u furnizuan kompanive filiale të kompleksit ushtarak-industrial shtetëror të Rusisë.
Në prill, një prodhues sllovak i avionëve të lehtë eksportoi motorët e tij Rotax 912 në Iran.
Këta motorë janë instaluar në dronët iranianë Mohajer-6, të përdorur nga ushtria ruse.
Raporti shmang emrat e kompanive të përfshira; disa prej tyre mund të jenë biznese nga vende të tjera të BE-së, të cilat do të ishin në kundërshtim me sanksionet e BE-së.
“Autoritetet doganore sllovake ndoshta nuk i klasifikuan mallrat e eksportuara si mallra me përdorim të dyfishtë që mund të përdoren si për qëllime civile ashtu edhe për ato ushtarake,” thotë raporti.
Sipas Denník N., mallrat me përdorim të dyfishtë kanë nevojë për miratimin e ministrive të ekonomisë dhe të punëve të jashtme përpara se të dërgohen jashtë vendit, gjë që në këtë rast nuk u pranua.
