Presidenti turk Rexhep Tajip Erdogan njoftoi më 18 janar se synon të thërrasë zgjedhjet e ardhshme të përgjithshme për 14 maj.
Për këtë raporton Hurriyet Daily News.
Zgjedhjet e ardhshme të përgjithshme në Turqi – presidenciale dhe parlamentare – janë planifikuar zyrtarisht të mbahen më 18 qershor.
Por zyrtarët kanë lënë të kuptohet për javë të tëra se ata mund t’i afrojnë zgjedhjet për shkak të festave fetare dhe provimeve shkollore.
Erdogan mbajti një fjalim para partisë së tij në pushtet, në të cilin kujtoi ditën e vitit 1950 kur u mbajtën zgjedhjet e para të lira në Turqinë moderne.
Adnan Menderes fitoi zgjedhjet e 14 majit, kryeministri i cili u rrëzua nga një junta ushtarake në vitin 1960 dhe u ekzekutua një vit më vonë.
Erdogan shpesh e krahasoi veten me Menderesin gjatë dy dekadave të tij si kryeministër dhe president.
“I ndjeri Menderes tha më 14 maj 1950, ‘Mjaft, populli do të thotë fjalën e tij’ dhe fitoi në kutinë e votimit”, tha Erdogan në fjalimin e tij.
Populli ynë do të japë përgjigjen e tij (për opozitën) në të njëjtën ditë 73 vjet më vonë, shtoi ai.
