DJ Khaled ka tërhequr vëmendjen e fansave pasi është mbajtur në krahë nga dy truproja që mos t’i bëheshin pis atletet e tij Air Jordan për koncertin që do të mbante në Miami.
Ai këmbënguli që të transportohej në krah nga makina e tij në një kamion dhe më pas në skenë që të shmangte ngjitjen e rërës tek atletet.
Në videon e postuar nga DJ Khaled, ai zbuloi pak nga dy bashkëpunimet e tij të reja me reperin Drake në albumin e tij të ardhshëm, por fansave nuk u interesoi ky fakt, pasi ishin të irrituar nga artisti për gjestin e tij.
“Prova se paratë nuk të bëjnë më pak idiot”, thotë një ndjekës, ndërsa një tjetër shton: Injoranca e të pasurve, në maksimum. Ai as nuk e di se sa shëmtuar po vepron….
Ndonëse disa media të huaja shkruajnë se ky mund të jetë një marifet marketing për të fokusuar vëmendjen tek bashkëpunimi me Drake, ajo që mund të thuhet me siguri është se fansat nuk do e kalojnë lehtë këtë fazë “inati” ndaj artistit.
