Pak ditë pas varrimit të ish-liderit të opozitës Alexei Navalny, Yulia Navalnay u ka bërë thirrje rusëve për një protestë ditën e zgjedhjeve në mesditën e 17 marsit dhe të votojnë kundër Presidentit Vladimir Putin ose të prishin fletëvotimet e tyre.
“Ne ende mund ta përdorim atë të ashtuquajturën zgjedhje kundër Putinit, ta përdorim për të arritur qëllimet tona. Ne duhet të përdorim ditën e zgjedhjeve për të treguar se ne ekzistojmë. Në të njëjtën ditë dhe orë, mesdita e 17 marsit. Ju mund të votoni për çdo kandidat përveç Putinit. Mund të prishësh fletën e votimit, mund të shkruani me shkronja të mëdha “Navalny”.
Navalny tha se nga turmat e mëdha që dolën javën e kaluar për funeralin e burrit të saj, duke përmbushur një nga dëshirat e tij që njerëzit të dilnin në protestë në të njëjtën kohë në ditën e zgjedhjeve në qytetet anembanë vendit, u frymëzua për të bërë thirrje kundër Putin.
“Në çdo rast, Putini nuk do të jetë një president legjitim, as për ne, as për të gjithë botën. Por në mesditën e 17 marsit, ne mund të vijmë të shohim njëri-tjetrin, të shohim se ne jemi të fortë”.
Që pas vdekjes së Alexei, Yulia është angazhuar të vazhdojë punën e tij dhe ka bërë disa paraqitje politike të profilit të lartë në Perëndim, duke përfshirë takimin me Presidentin e SHBA Joe Biden dhe fjalimin në Konferencën e Sigurisë së Mynihut dhe Parlamentin Evropian.
Kujtojmë se Kremlini mohoi me forcë akuzat e saj se Putini kishte vrarë Navalny dhe nuk ka pranuar të komentojë mbi reagimin publik ndaj vdekjes dhe funeralit të tij. Certifikata e tij e vdekjes tregon se ai vdiq për shkaqe natyrore e cila është kundërshtuar nga mbështetësit e tij.
