Apple ka arritur të zvogëlojë shumën e një gjobe rekord prej 1.1 miliardë eurosh të vendosur ndaj saj në vitin 2020 për marrëveshje antikonkurruese me dy shpërndarës të privilegjuar.
Kjo është shkruar nga Bloomberg.
Një gjykatë apeli në Paris uli gjobën totale të Apple në rreth 371.6 milionë euro, tha një zëdhënës i agjencisë franceze antitrust, pa dhënë detaje të arsyetimit të gjyqtarëve.
Agjencia tha se po shqyrtonte apelimin e vendimit në gjykatën më të lartë të Francës.
“Ne dëshirojmë të ritheksojmë dëshirën tonë për të siguruar natyrën parandaluese të ndëshkimeve tona, veçanërisht kur bëhet fjalë për lojtarët e tregut të kalibrit të firmave të Silicon Valley”, tha Virginie Guin, një zëdhënëse zyrtare e agjencisë antitrust.
Në vendosjen e gjobës për vitin 2020, agjencia franceze tha se Apple u pajtua me dy shitës me shumicë – Tech Data dhe Ingram Micro – për të parandaluar konkurrencën me shumicë në treg për produktet jo-iPhone si kompjuterët Apple Mac.
Kujtojmë se gjykata administrative rajonale në Itali anuloi gjobat për më shumë se 200 milionë euro të dhëna në vitin 2021 nga organi antimonopol ndaj kompanive gjigante Apple dhe Amazon për gjoja “kolezi” në aktivitete tregtare.
