Një person ka humbur jetën dhe dy të tjerë janë plagosur si pasojë e një aksidenti në aksin Fushë Krujë-Vorë.
Një mjet me targë të Kosovës ka hyrë në parakalim të gabuar dhe është përplasur me një mjet tjetër. Nga përplasja ka humbur jetën një nga drejtuesit dhe janë mbetur të plagosur dy të tjerë.
Shkaqet dhe rrethanat e aksidentit nuk dihen ende. Policia dhe ambulanca kanë mbërritur në vendngjarje.
