Prokuroria e Madridit ka kërkuar 4 vjet e 9 muaj burg për Carlo Ancelotti, pasi akuzohet për evazion fiskal.
Ancelotti nuk ka deklaruar 1 milion Euro të ardhura nga e drejta e imazhit në bilancet e 2014 dhe 2015.
Carlo Ancelotti, i cili në atë periudhë vendbanimin e kishte në Madrid në aventurën e parë si trajner i Real, njoftoi tatimet vetëm për të ardhurat nga paga te Los Blancos.
Paratë janë fshehur sipas prokurorëve, duke ia deleguar të drejtat e imazhit një kompanie që quhej Vapia Limited ku fillimisht firmosi një kontratë 10-vjeçare për 25 milion euro që më pas u ndryshua në 3 vjet për rreth 1 milion euro.
Carlo Ancelotti u kthye në kryeqytetin në 2021 ku mori sërish detyrën e trajnerit të Real Madrid dhe tani duhet të përgjigjet për këtë akuzë.
Në rastet e mëparshëm të evazionit fiskal në Spanjë ku janë përfshirë personazhe të njohur të sportit si Cristiano Ronaldo, Lionel Messi apo Jose Mourinho është shmangur burgimi, duke e konvertuar në gjobë.
