Presidenti rus Vladimir Putin priti udhëheqësin e Koresë së Veriut, Kim Jong Un me të cilin po vijon diskutimet për shumë çështje që nga lufta në Ukrainë e deri te programi satelitor i Phenianit.
Mediat ndërkombëtare raportojnë se mes Putin dhe Kim Xhong Un ka pasur një shtrëngim duarsh rreth 40 sekonda.
“Më vjen mirë që ju shoh,” tha Putin, duke e mirëpritur udhëheqësin e Koresë së Veriut në Kozmodromin Vostochny, një strukturë moderne e lëshimit në hapësirë në rajonin Amur të Lindjes së Largët të Rusisë.
Kim Jong Un falënderoi Putin për ftesën dhe për pritjen e ngrohtë.
Takimi mes liderëve të dy vendeve, të cilët janë gjithnjë e më të izoluar ndërkombëtarisht, po vëzhgohet nga afër nga Uashingtoni dhe aleatët, të cilët dyshojnë se mund të bien dakord për tregtimin e armëve dhe teknologjisë së mbrojtjes.
Zyrtarët e SHBA dhe Koresë së Jugut kanë shprehur shqetësimin se Kim do t’i siguronte armë dhe municione Rusisë, e cila ka shpenzuar rezerva të mëdha në më shumë se 18 muaj luftë në Ukrainë. Moska dhe Pheniani kanë mohuar synime të tilla.
Hera e fundit që ata u takuan ishte në vitin 2019 në qytetin port Vladivostok.
