Një gjykatës brazilian të shtunën më 29 prill anuloi pezullimin në vendin e mesazheve në internet Telegram, i vendosur javën e kaluar për mosdhënien e autoriteteve me të dhëna për grupet neo-naziste aktive në platformë, tha një gjykatë federale.
Magjistrati konsideroi se ky pezullim në të gjithë vendin ishte “i paarsyeshëm”, sepse prek “lirinë e komunikimit të mijëra njerëzve që nuk kanë asnjë lidhje me faktet e shqyrtuara”, tregoi Gjykata Federale Rajonale, me seli në Rio de Zhaneiro në një deklaratë.
Megjithatë, ai mbështeti gjobën ditore prej një milion reai (198,000 dollarë) të vendosur ndaj kompanisë nga gjyqtari për sa kohë që ajo nuk jepte informacionin e kërkuar.
Policia federale dhe prokuroria braziliane i kishin kërkuar Telegram-it që t’u siguronte atyre të dhëna personale për të gjithë anëtarët e organizatave “Lëvizja Antisemitike Braziliane” dhe “Fronti Antisemitik”, të cilat autoritetet i kanë lidhur me sulmet në shkolla të muajve të fundit.
Në nëntor, një djalë 16-vjeçar vrau katër persona dhe plagosi rreth 10 në dy shkolla në shtetin Espirito Santo në Brazilin juglindor.
