Pavarësisht objektivit të rënë dakord në vitin 2014 prej dy për qind të shpenzimeve të PBB-së në sektorin e mbrojtjes, që nga viti 2022 vetëm shtatë nga tridhjetë vendet anëtare të Aleancës së Atlantikut të Veriut e kanë arritur atë.
Kështu thuhet në raportin vjetor të Sekretarit të Përgjithshëm të NATO-s, të publikuar të martën.
Sipas të dhënave të raportit, Estonia (2.12%), Greqia (3.54%), Letonia (2.07%), Lituania (2.47%), Polonia (2.42%), Britania e Madhe (2.16%) dhe Shtetet e Bashkuara (3,46%).
Në të njëjtën kohë, përqindja më e ulët e shpenzimeve të mbrojtjes është në Spanjë (1,09% e PBB-së), Belgjikë (1,18%), Slloveni (1,26%) dhe Kanada (1,29%).
Duke paraqitur raportin në Bruksel, Sekretari i Përgjithshëm i NATO-s, Jens Stoltenberg shpjegoi se dy vende të tjera pritej të përmbushnin objektivin, por për shkak se PBB-ja e tyre u rrit më shumë se sa pritej në 2022 dhe shpenzimet mbetën të njëjta, përqindja rezultoi të ishte më e ulët.
Stoltenberg nuk specifikoi se për cilat vende bëhet fjalë.
“Nuk ka dyshim se ne duhet të bëjmë më shumë dhe duhet ta bëjmë më shpejt. Shkalla me të cilën po rrisim shpenzimet e mbrojtjes nuk është mjaft e lartë. Në një botë më të rrezikshme, ne duhet të investojmë më shumë në mbrojtje,” theksoi ai.
Siç e dini, sipas qëllimeve aktuale të rënë dakord pas pushtimit të Krimesë nga Rusia në 2014, anëtarët e NATO-s ranë dakord të përpiqen të rrisin shpenzimet e mbrojtjes në të paktën 2% të PBB-së së tyre deri në vitin 2023.
Më herët, Sekretari i Përgjithshëm i Aleancës sugjeroi vendosjen e 2% të PBB-së si kufirin më të ulët të shpenzimeve të mbrojtjes për vendet anëtare. Ky vendim pritet të miratohet në samitin e NATO-s në korrik 2023.
