SPAK ka sekuestruar sot tre pasuri të paluajtshme të biznesmenit Pëllumb Gjoka. Bëhet fjalë për 390 mijë m2 në Velipojë në Shkodër.
Konkretisht janë sekuestruar: pasuria e llojit Pyll, me sipërfaqe 113.500 m2, e ndodhur në Pulaj- Plazh, Velipojë, Shkodër, regjistruar në emër të një shoqërie tregtare; pasuria e llojit Pyll, me sipërfaqe 61.470 m2, e ndodhur në Pulaj- Plazh, Velipojë, Shkodër, regjistruar në emër të një shoqërie tjetër tregtare; pasuria e llojit Pyll, me sipërfaqe 215.030 m2, e ndodhur në Pulaj- Plazh, Velipojë, Shkodër, regjistruar në emër të shtetasit K. Gj.
Nga hetimet e SPAK, dyshohet se pasuritë e Gjokës janë përfituar me dokumente të falsifikuara të kryera nga biznesmeni në bashkëpunim me persona të tjerë.
Pëllumb Gjoka ndodhet në burg pasi u arrestua në kuadër të operacionit “Metamorfoza”.