Kur shkojmë me pushime gjëja e vetme që duam është çlodhja. Shumë qetësi, paqe shpirtërore, larg punës dhe rutinës së përditshme. Por, jo gjithmonë pushimet na rezultojnë kaq të bekuara. Janë 4 rregulla të cilat do t’iu ndihmojnë të ktheheni më të lumtur nga pushimet.
Teknologjia nuk ka pse të shkojë me pushime me ju
Jo për pajisjet e çdo lloji. Lëreni teknologjinë në shtëpi sepse nuk do t’ju nevojiten PC-të, tabletët apo orët inteligjente gjatë pushimeve. Eliminoni mendimin që ju çon në emergjenca të mundshme në punë, në nevojën për të qenë gjithmonë në vend ose në ndonjë detyrë absolutisht të domosdoshme.
Mos harroni se edhe në rast urgjence pune nuk jeni të pazëvendësueshëm. Ata që qëndrojnë do të gjejnë një zgjidhje pa shkuar domosdoshmërisht tek ju.
“Less is more”
Këmbë zbathur, pa make up, kontakt me natyrën dhe shiko sa më pak orën. Nëse vërtet dëshironi të rigjeneroheni, do të duhet të mësoni të lidheni përsëri me atë që ndjeni. Hani kur jeni të uritur dhe mos shikoni kohën, notoni për aq kohë sa të keni dëshirë, riaktivizoni shqisat tuaja falë detit, maleve apo kodrave.
Jo krahasimeve me rrjetet sociale
Gjithmonë do të ketë nga ata që do të kenë pushimet më të bukura, me miqtë e tyre më të mirë apo të përjetojnë diçka të bukur që nuk do ta përjetoni. Bëhuni drastik, mbyllni rrjetet sociale dhe përkushtojuni asaj që po përjetoni.
Jo krahasimeve, veçanërisht me VIP-at e paarritshëm, por po për të shijuar përvojën që keni zgjedhur me entuziazëm për veten tuaj.
Bëj diçka të re
Për të rigjeneruar me të vërtetë veten dhe për t’i bërë pushimet tuaja të paharrueshme, duhet të bëni diçka të re, ndryshe. Ju duhet të përjetoni një herë të re të parë që do të jetë e paharrueshme. Synoni për një sport të ri, një përvojë të re adrenaline, për të vizituar një qytet që nuk e njihni ose për të jetuar një aventurë të papritur.
