Të paktën 21 persona kanë vdekur nga zjarri në spitalin Changfeng në Pekin të Kinës. Në video shfaqen momente teksa pacientët zbresin nga dritaret e spitalit me çarçafë të lidhur në këmbët e shtretërve të spitalit.
Të tjerë pacientë varen jashtë dritareve apo në motorët e kondicionerëve për të shpëtuar. Pamjet janë horror, pasi të gjithë janë pushtuar nga paniku dhe po vrapojnë që të largohen.
Stafi i spitalit arriti të evakuojë 71 pacientë. Zjarri i cili ka rënë në repartin e spitalit është shuar nga zjarrfikësit dhe ka përfunduar operacioni i shpëtimit. Autoritetet kanë nisur hetimet për shkaqet e aksidentit.