Ndërsa qëllimi i komunitetit shkencor është të kuptojë se si të jetojmë më mirë, gjithnjë e më shumë informacione po shfaqen që lidhin një mënyrë jetese të shëndetshme. Megjithatë, pak studime kanë shqyrtuar efektet e një stili jetese të ekuilibruar dhe efektet e tij te njerëzit që janë në rrezik më të lartë të zhvillimit të sëmundjes Alzheimer. Duke dashur të hedhin më shumë dritë mbi këtë peizazh, studiuesit nga Kina, studiuan më shumë se 29,000 njerëz pa demencë, me një moshë mesatare 72 vjeç.
Pjesëmarrësit fillimisht iu nënshtruan testimit kognitiv, si dhe testimit gjenetik për të zbuluar ndonjë gen të njohur për të rritur rrezikun e zhvillimit të sëmundjes Alzheimer.
Në të njëjtën kohë, pjesëmarrësit raportuan stilin e tyre të jetesës dhe në veçanti sa shpesh ndoqën gjashtë zakone të jetesës së shëndetshme: ushqim i shëndetshëm, ushtrime, mos pirja e duhanit dhe alkoolit, pjesëmarrja në aktivitete që stimulojnë funksionin e trurit. Në total, pjesëmarrësit u ndoqën për 10 vjet nga studiuesit, duke raportuar periodikisht për zakonet e tyre të jetesës, ndërsa iu nënshtruan testeve të mëtejshme gjatë kësaj kohe.
Në fund të studimit, ata arritën në përfundimin se njerëzit që ndiqnin të paktën katër praktika të shëndetshme përjetuan rënie më të ngadaltë të kujtesës sesa njerëzit që nuk praktikonin ndonjë zakon të shëndetshëm. Edhe më e habitshme, kjo ishte e vërtetë edhe në mesin e njerëzve me gjene të lidhura me sëmundjen e Alzheimerit.
Zakonet e lidhura me përfitimet më të mëdha ishin dieta, pjesëmarrja në aktivitete që stimulojnë funksionin e trurit, stërvitja dhe kontakti social. Studiuesit theksojnë, megjithatë, se studimi ishte vëzhgues dhe nuk vërteton përfundimisht se një mënyrë jetese e shëndetshme mbron kujtesën, por ka përfitime të shumta shëndetësore.
