Ylli i Bollywood-it Amitabh Bachchan pësoi një çarje muskulore në krahun e djathtë të kraharorit gjatë xhirimit të një filmi në Hyderabad, Indi.
Aktori 80-vjeçar zbuloi detaje të lëndimit të tij në një postim në blog gjatë fundjavës.
Bachchan shkroi se ai kishte thyer kërcin e brinjës dhe një çarje muskulore gjatë xhirimit për Projektin K.
Ai tha se lëndimi ishte “i dhimbshëm” dhe ai u konsultua me një mjek përpara se të fluturonte drejt shtëpisë në Mumbai, ku e këshilluan të pushonte.
“Nuk do të jem në gjendje të takoj dashamirësit në Jalsa Gate këtë mbrëmje.. kështu që mos ejani”, u tha aktori fansave që mblidhen shpesh jashtë shtëpisë së tij në Mumbai.
“Gjithçka tjetër është mirë”, shtoi ai.
Bachchan tha gjithashtu se puna e tij në film është pezulluar derisa mjeku t’i japë dritën jeshile.
Bachchan është një aktor indian, producent filmash, prezantues televiziv, këngëtar dhe ish politikan i njohur për punën e tij në kinemanë Hindi.
Ai ka luajtur në më shumë se 200 filma indian.
Zbulimi i tij erdhi në filmin e vitit 1973, Zanjeer, ose Zinxhiri, dhe ai u ngrit në superyll duke luajtur personazhe të guximshëm, duke frymëzuar fansat të kopjojnë flokët e tij, rrobat dhe zërin e baritonit.
