Deputeti italian Francesco Emilio Borrelli ka reaguar ashpër pas aksidentit të rëndë në Sarandë, ku humbën jetën dy turistë italianë.
Borrelli i është drejtuar kryeministres Giorgia Meloni duke i bërë thirrje të kërkojë drejtësi për ngjarjen.
Deputeti italian përmend faturën e 4 turistëve të cilët u larguan nga restoranti në Berat pa paguar. Fatura u pagua nga ambasadori italian në Tiranë me urdhër të Melonit.
Borrelli thotë se më shumë zhurmë u bë për faturën e papaguar se sa për jetën e 2 të rinjve.
“Shpresoj që kryeministrja Giorgia Meloni të marrë masa në kohë për t’i kërkuar qeverisë shqiptare drejtësi për Domenico Gritto dhe Vincenzo Tizzano, dy të rinjtë nga Monteruscello që u përplasën për vdekje nga një makinë në Sarandë të Shqipërisë.
Bëjeni me më shumë këmbëngulje dhe vendosmëri me të cilën ndërhyni për të mbrojtur restorantin shqiptar duke paguar faturën prej tetëdhjetë eurosh për katër automobilistët italianë që u larguan nga restoranti pa paguar. Fatkeqësisht, për momentin nuk është thënë asnjë fjalë për bashkëqytetarët tanë që humbën jetën në aksidentin tragjik, as nga ju dhe as nga kryeministri shqiptar Edi Rama. Fatkeqësisht, një faturë e papaguar në një restorant bën më shumë zhurmë se dy italianë që u vranë”, u shpreh deputeti Francesco Emilio Borrelli.