Tragjedi në bregun italian! Një anije me refugjatë është fundosur në Crotone për pasojë kanë humbur jetën të paktën 43 persona, mes të cilëve edhe 3 fëmijë.
Trupat e pajetë janë gjetur mëngjesin e sotëm në plazh në zonën “Steccato”.
Varka e peshkimit ishte nisur nga Turqia me emigrantë të ardhur nga Irani, Afganistani dhe Pakistani.
Për momentin janë rreth 80 persona të shpëtuar ndërsa kërkimet për të mbijetuar të tjerë vazhdojnë.
Dyshohet se në bord kanë qenë 250 persona, po kjo është një shifër e pakonfirmuar. Numri i të vdekurve mund të përkeqësohet më tej.
