Përfaqësuesi i Lartë i BE, Josep Borrell, ka dalë në konferencë për mediat pas takimit me kryeministrin e Kosovës, Albin Kurti dhe presidentin serb Aleksandar Vuçiç.
Takimi u zhvillua në Bruksel në kuadër të dialogut Kosovë-Serbi.
Brukseli ka propozuar si zgjidhje implementimin paralel të obligimeve që dalin nga Dialogu dhe Marrëveshja e Ohrit, duke theksuar Asociacionin si prioritet.
Borrell tha se Kurti nuk ka pranuar që të fillojë procesin e themelimit të Asociacionit pasi insiston në formalizmin e njohjes de-facto si hap i parë.
“Fatkeqësisht pas një takimi të gjatë, Kurti nuk ishte i gatshëm të vazhdojë për fillimin e procesit të krijimit të Asociacionit. Ai insistonte në formalizimin e njohjes de-facto, si hap i parë. Duhet të them që Vuçiç e pranoi propozimin evropian për implementimin e marrëveshjes. Ai erdhi me propozimin e vetë, por e pranoi propozimin tonë.
Provuam fort, por fatkeqësisht nuk ishte e mundur të kapërcenim dallimet. Nuk kishte progres në de-eskalimin e tensioneve në veri. Si rikujtesë, 27 shtete anëtare kanë kërkuar për hapa konkret për zgjidhjen e krizës. Disa hapa janë marrë nga Kosova, por ata dështuan të plotësojnë kushtet për de-eskalim të plotë”, ka thënë Borell.