Sekretari i Përgjithshëm i NATO-s, Jens Stoltenberg, ka njoftuar se do të takohet me presidentin e Serbisë, Aleksandar Vuçiç në Bruksel, më 19 korrik.
Temë e bisedimeve mendohet se do të jetë situata në Kosovë.
Takimi i Stoltenberg dhe Vuçiç do të mbahet në të njëjtën ditë kur pritet të zhvillohen bisedime mes krynegociatorëve të dialogut mes Kosovës dhe Serbisë, Besnik Bislimit dhe Petar Petkoviçit.
Më 11 korrik, Bashkimi Evropian ka konfirmuar se është pajtuar me Kosovën në marrjen e disa hapave për uljen e tensioneve në veri.
Kryeministri i Kosovës, Albin Kurti, është shprehur se Kosova ka nisur t’ua hapë rrugën zgjedhjeve të parakohshme në komunat në veri të Kosovës, në kuadër të marrëveshjes së arritur me Bashkimin Evropian për uljen e tensioneve.