Disa prej produkteve tona ushqimore kanë nevojë për kujdes të shtuar për shkak të rritjes së temperaturave gjatë verës. Mjalti është një prej tyre i cili, në varësi të temperaturës, mund të ndryshojë ngjyrë dhe përmbajtje.
Mënyra më e mirë për ta ruajtur mjaltin është duke e mbajtur në temperaturën për të cilën ka nevojë.
Ekspertët thonë se mjalti duhet ruajtur në një temperaturë që varion nga 10 në 20 gradë celsius dhe nuk duhet futur kurrë në frigorifer, sepse temperaturat shumë të ulëta përshpejtojnë kristalizimin e tij. Frigoriferi gjithashtu ndryshon tërësisht aromën e mjaltit dhe degradon cilësinë e tij.
Këshillohet ta mbani në një vend ku nuk depërton ndriçimi i diellit dhe nuk është pranë sobës apo furrës.
Edhe ena në të cilën e mbani mund të prishë cilësinë e mjaltit. Nuk duhet ta mbani kurrë në enë metalike dhe të asnjë lloji tjetër, përveçse në enë prej qelqi.
As mos e fusni kurrë në mikrovalë, sepse ajo i shkatërron vlerat mjaltit.