Në fillim të këtij muaji, Organizata Botërore Meteorologjike regjistroi javën më të nxehtë të regjistruar ndonjëherë. Vala e të nxehtit ka goditur Evropën, Amerikën e Veriut, Azi, Afrikën e Veriut.
Temperaturat e larta do të ndikojnë edhe mënyrën se si ne punojmë. John P Abraham, një profesor i shkencave termike në Shkollën Inxhinierike të Universitetit të St Thomas, thotë se: “Ajo që dikur ishte një valë e të nxehtit 1 deri në 2 ditë, tani është 3 deri në 5 ditë. Njerëzit që mund të përballojnë një ose dy ditë nxehtësi të tepërt do të kenë shumë më tepër probleme afatgjata”.
Ndryshimet në vendin e punës në përgjithësi do të ndahen në dy kategori.
E para janë mjediset e jashtme dhe jo të ftohta – të tilla si bujqësia ose prodhimi – në të cilat temperaturat e larta nuk kontrollohen. Ekspertët thonë se disa nga ndryshimet më të mëdha ka të ngjarë të ndodhin në këto lloj mjedisesh pune, për të mbrojtur punëtorët.
Për punëtorët në mjedise ku temperatura nuk kontrollohet, Abraham beson se qendrat e ftohjes me ajër të kondicionuar do të bëhen më të zakonshme dhe punëdhënësit do të duhet të ofrojnë pushime për punëtorët.
Punonjësit që punojnë brenda ose në mjedise të ftohta mund të jenë relativisht më të sigurt nga ekspozimi ndaj temperaturave ekstreme.