E rëndë në Prevezë të Greqisë! Dy të vdekur dhe një i plagosur është bilanci i deritanishëm i një shpërthimi gazi të ndodhur në një fabrikë ambalazhimi peshku.
Një grek dhe një i huaj kanë vdekur, por nuk dihet shtetësia e tij, ndërsa nuk përjashtohet se mund të jetë dhe shqiptar. Ndërkohë që një tjetër grek është transportuar me ambulancë në Janinë, pasi ka marrë lëndime të rënda në vesh.
Gjithçka ka ndodhur në pak minuta dhe askush nuk mund t’i thotë me siguri shkaqet, por informacionet e para ‘flasin’ për një shpërthim në një gaz.
Shpërthimi ka qenë aq i fuqishëm sa ka nxjerrë nga banesa edhe banorët e zonës që kanë dëgjuar gjithë çfarë ka ndodhur. Forcat zjarrfikëse dhe Policia janë ende në vendngjarje.
