Pjesa verilindore e SHBA-së është nën alarm për shkak se është përfshirë nga një stuhi e fuqishme bore. Rreth 13 milionë njerëz janë paralajmëruar për stuhinë e dëborës.
Mbi 1,500 fluturime janë anuluar për shkak edhe të erës së fortë. Të paktën 130,000 shtëpi dhe biznese në Pensilvani, New Jersey dhe madje disa në New York dhe New England, kanë mbetur pa energji elektrike. Më shumë se 2,000 kamionë dhe borëpastruese janë vendosur në dispozicion për të pastruar rrugët.
Ndërkohë dhe Australia është prekur nga një stuhi e fortë me reshje të dendura shiu, saktësisht Melburni.
Autoritetet bënë të ditur se një person humbi jetën ndërsa një zjarrfikës u plagos.